अक्षय तृतीया

अक्षय तृतीया हा हिंदू धर्मातील एक महत्त्वाचा सण आहे. हा सण वैशाख महिन्यातील शुक्ल पक्षाच्या तिसऱ्या दिवशी साजरा केला जातो. हा दिवस शुभ असणाऱ्या साडेतीन मुहूर्तांपैकी एक आहे. या दिवशी अनेक धार्मिक आणि शुभ कार्ये केली जातात.

अक्षय तृतीयेची वैशिष्ट्ये

या दिवशी भगवान परशुरामाची जयंती असते.
या दिवशी श्रीकृष्णाची विशेष आराधना केली जाते.
महाभारत हा महान ग्रंथ लिहिण्याची सुरुवात व्यासमुनींनी व गणेशांनी अक्षय तृतीयेच्या या शुभ मुहूर्तालाच केली होती.
या दिवशी त्रेता युगाची सुरुवात झाली होती, तसेच गंगानदीचा प्रवाह याच दिवशी स्वर्गातून पृथ्वीवर आला, असेही मानले जाते.
महाभारतामध्ये याच दिवशी युधिष्ठिरला अक्षय पात्र प्राप्त झाले होते.
या दिवशी दान करणे शुभ मानले जाते.
या दिवशी सोने चांदी व इतर मालमत्ता खरेदी करणे शुभ मानले जाते.
याच दिवशी अन्नपूर्णा मातेचा जन्म झाला असेही मानले जाते.

महाराष्ट्रातील काही भागात अक्षय तृतीया हा दिवस पूर्वजांचे श्राद्ध दिवस म्हणून मानला जातो. या दिवशी प्रत्येक व्यक्ती आपल्या पूर्वजांच्या आत्मशांतीसाठी पूजा करतात. जैन धर्मामध्ये या दिवसाचे महत्त्व आहे.

अक्षय तृतीयेच्या दिवशी केल्या जाणाऱ्या काही शुभ कार्ये